السبت، 6 مارس، 2010

بركاتك يا برداعى


حاجة تضحك بجد و خصوصا بعد كلامى عن موضوع الغيظ

كله كان خايف و بيتكلم عن صحة البرادعى الطيب البشوش و إن أمنه و سلامته مسئولية شخصية لآل مبارك ( و لو حصل له حاجة و وقع فى نقرة مبلولة , كلنا عارفين مين اللى حفر النقرة بالليل)
لكن فجأة .. فجأة جامدة يطلعوا علينا بخبر إن مبارك فى ألمانيا تعبان حبتين و إنه إحتمال يشيل مرارته ( على إعتبار إن ألمانيا واخدة توكيل إستئصال المرارة و علاج الريس , و إن عملية زى دى مستحيل تتعمل هنا !!! .. ماهو لما مرارة الريس مش ليها حل غير فى المانيا , أمال مرارة الشعب تتصلح فين ؟!؟)
و ما علينا الخبر آخره كده فعلا , و لا مبطّن بحاجات يا عالم مين يقدر يجسها .. و إن كنت ما أعتقدش إنهم بهذا الغباء عشان يختاروا المرارة بالتحديد فى أيامهم دى .... يعنى يبقى و على الأقل إن فيه مرارة إتفقعت من الغيظ و الغيظ المضاد ...


قل ما شئت على هذا الخبر , و إفهمه كما شئت , و إستنكته كيفما شئت (مش يمنع تبقى تبلّغنى بالنكت )
و دعنى أنا اهتف
( بركاتك يا برداعى )
و ألف سلامة على مرارتك يا ريس

( مرحى بالغيظ )

ليست هناك تعليقات:

إرسال تعليق